Kush’gawaar zindagi hasil karne ka teesra usool “TAQ’WA” hai

Kush’gawaar zindagi hasil karne ka teesra usool “TAQ’WA” hai

bismillah'hirrahma'nirraheem

Tamam qism ki tareef us allah wah'dahu la'shareek, malik-e-ard-wa-sama, ke liye hai jisne hame musalman ghar mai paida kiya aur muslim banaya. aur besh'baha durood-o-salam ho us zat-e-muqad'dasa per jo tamam insanyat ke liye rushd-o-hidayat bana kar bheje gaye...

Farman e ilaahi hai:

“Jo shaks neek aamal kare, mard ho ya aurat, ba’shart ki imaan wala ho to use hum yaqeenan bahut acchi zindagi aata karege aur unke neek aamal ka behtar badla bhi zaroor denge” [AL-NAHAL: 97]

Allah tala ne tamam insano ko mitti se paida kiya aur aadam (AS) ko un sub ka baap banaya. is lihaz sub ki bunyaad to ek hai lekin ka’ee aitbaar se wo ek doosre se mukhtalif hai. Koi shakal suraat ke aitbar se ek doosre se aalag to koi maa’shee aitbar se ek dosre se aalag hai. Koi maaldar, koi gareeb, koi baakheel, koi sakhi, ise tarah imaan aur aamal ke aitbaar se bhi wo aalag aalag nazaryaat ke hamil nazar aate hai. koi moomin, koi kaafir, koi neek, koi paarsa, koi faasiq o fajir, koi ba’kirdar, koi ba’ikhlaaq, aur koi bad’kirdar aur koi bad’ikhlaaq, lekin ye sub ke sub apne ahwaal me mukhtalif hone ke bawajood ek baat pe muttafiq nazar aate hai aur wo hai khush’haal zindagi ki taman’na aur aarzoo.

Aap mai se her aadmi ye chahta hoga ki wo khushgawaar aur ba’waqaar zindagi hasil kar sake aur dunya ki pareshaniyo aur mushkilaat se chutkara pa sake. Is mukhtasar se article mai hum khush’gawaar zindagi ke husool aur pareshaniyo aur azma’esho se najat hasil karne ke kuch usool zikr kar rahe hai, Agar hum in per aamal karege to insh’allah zaroor apne maqsad ko pahuch jayege.

To aaye hum qur’an-o-sun’nat ki roshni mai khus’gawaar zindagi ke usool dhonte hai.

Kush’gawaar zindagi hasil karne ka teesra  usool “TAQ’WA” hai:

Taqwa dunya ke dukho, takleefo, aur pareshaniyo se najat pane ke liye aur khusu’san un logo ke liye ek nuskha-e-keem’ya hai jo beroz’gari,  gurbat aur qarzo ki wajah se inti’haa'e pareshan rahte hoo. Taqwa se murad allah taala se aisa khof khaana hai jo bande ko allah ki nafarmaani se aur haraam kaam se rok de aur jab kisi insan ke dil mai allah taala ka aisa dar aur khouf paida ho jata hai ki jis ki wajah se wo parhez’gaar ban jaata hai aur tamaam kamo se ijtinaab kar leta hai to allah taala ka us ye waada hai…

Allah farmata hai: “waman yattaqi Allaha yajAAal lahu makhrajan. Wayarzuqhu min haythu la yahtasibu” [surah talaq# 2,3]

“Aur jo shaksh allah taala se darta hai, allah us ke liye mushkilaat se nikalne ki raah hamwar kar deta hai aur use aisi jagah se rizq deta hai jaha se use wahem-o-guman bhi nahi hota”

 Aur farmaya: “waman yattaqi Allaha yajAAal lahu min amrihi yusran”

“aur jo shaksh allah se darta hai, allah us ke liye kaam mai asaani paida kar deta hai” [surah talaq# 4]

Aur farmaya: “walaw anna ahla alqura amanoo waittaqaw lafatahna AAalayhim barakatin mina

alssama-i waal-ard”   

“aur agar ye bastiyo wale ee’maan le aate aur allah ki nafarmaani se bachte to hum un per asmaan aur zameen se (barkaat ke) darwaze khol dete”  [surah al-aaraf# 96]

Mere mohtaram dosto! In tamam aayato mai kamyaabi aur kush’haal zindagi ke husool ke liye ek azeem usool mutay’yan kar diya gaya hai, aur wo hai allah taala se darte hue uski nafarmaniyo se ijtinaab karna. Q ki aisa karne se allah taala momin bande ke liye her qism ki takleef se nikalne ka rasta bana deta hai, aur us ke her kaam ko aasan kar deta hai aur uper neeche se uske liye rizq ke darwaze khol deta hai.

 Aaye zara is usool ki roshni mai ham apne halat ka jaiza le!! Ek taraf hum kush’haal aur kamyaab zindagi ki tamana rakhte hai aur doosri taraf hum allah ki nafarmani bhi karte rahte hai. Maslan: namazo mai susti aur gaflat, jhoot, geebat, chugal’khori, sood ka leena aur deena, waaldain aur qurabt’daaro se badsulooki, bhala bataye aisi haalat mai kush’haali aur saa’dat bhari zindagi naseeb ho sakti hai? Aur kya is tarah mushkilaat ka aa’zaala ho sakta hai?

Hame ye baat yaad rakhni chaye ki nafarmaniyo ki moujoodgi mai kush’haali ka naseeb hona door ki baat, mojooda ne’mato ke bhi chin jaane ka khatra hota hai. Aur is ki waze daleel hazrat aadam (AS) aur unki beewi haw’wa ka qissa hai. Allah tala ne unko jannat ki her nemat aur aa’saish se luft andoz hone ki ejazat di aur sirf ek cheez se mana kar diya tha ki tum ko ek darakht ke qareeb nahi jana hai, lekin shaitan ke phuslane per jab unhone jus darakht ko khaya to allah ne unhe jannat ki sari nemat’e se mehroom kar ke unhe zameen per utar diya aur ye unki ek galti jannat se mehromi ka sabaab bani. Aur aaj hum kitne gunaah karte hai aur phir bhi hum khush’haali ke mutaman’ni hai!! Ye yaqeeni tour per hamari galat’fehmi hai, aur hum agar waqa’e khush’haal bhari zindagi basar karna chate hai to hame allah ki nafarmaniyo se kul’li tour per ijtinaab karna hoga.

Aur mai apko yaad dilana chahta ho isi tarah iblees ka bhi qis’sa hai, Allah ne use aadam (AH) ke samne sajda karne ka hukm diya tha lekin us ne takab’bur karte hue sajde se inkar diya, phir nateeja kya nikla? Allah tala ne use hamesha hamesh ke liye mal’oon qarar de diya. Ye sirf ek sajda chorne ki saza thi, aur aaj kitne musalman aise hai jo kitne sajde chor dete hai kya humne kabi ye gour kya? Are dosro ke bare mai nahi apne bare mai zara soche. Panch waqt ki farz namazo mai hum man maani karte hai. In sub ke ba’wajood hum khus’haal zindagi chahte hai, To kya hamari zindagi kamyabi-wa-kamrani se hamkinar ho sakti hai?

Balki sitam ba’laye sitam to ye hai ki aj bhut sere log ka’e buraiyo ko buarai tasaw’wur hi nahi karte aur bila’khouf-wa-tarad’dud unka irtikaab karte hai. Lihaza zaroorat is baat ki hai hum apne girah’baan mai muh dal kar sanjeedgi ke sath apna jayeza le aur apni islah karne ki koshish kare. Jab hum khud apni islaah kare ge aur apne daman ko allah tala ki nafarmaniyo se bachaye ge to yaqeenan allah tala bhi hamari halat per rahem khaye ga, hame maaf kar dega aur hame khush’haal zindagi naseeb kare ga. Mere dosto hum jaaye to uske dar pe, sajda to kare uske dar pe, mange to uske dar se aur kahe: aa’ee allah hum tere hi dar se wabsta hai, hum tere hi dark e faqeer hai, tere dar ke siwa hamara koi dar nahi, phir dekhiye allah ki rahmate-barkate aap ke sath kaise hoti hai. lekin aaj hum na jane kha kha sajda karte hai allah ke dar k o chor gair’allah ke samne sajda’raiz hote hai to is haalat mai kya allah tala hame maaf kere ge? mere dosto allah bhut raheem-o-kareem hai ek adna si  neeki usko pasand aajaye aur wo apne bande ko maaf kar de jannat’ul firdous de de. Isliye her musalaman ke andar taqwa hona zaroori hai…

“Sirf ehsas-e-nidaamat ek sajda aur chash’maee tar

Aa’ee khuda kitna aasan hai manaana tujh ko”

Hazrat anas (RZ) taba’ee ko mukhatib karke ye kaha karte the:

“aaj tum aise amal karte ho jo tumhari nigaah mai baal se bhi ziyada bareek (bhut chote) hai, jab ki hum unhe rasool allah (saw) ke zamane mai halak karne wale gunaaho mai shumar kya karte the”

[bukhari, kitb’ur riqaaq:  #6492]

Mere mohtaram dosto ye taba’ee ke dour ki baat hai, jo sahaba ekram ke dour ke baad ka sub se behtareen dour tha aur aaj hamare dour main na jane kya kya hota hai? Bus allah ki panah!

Allah tala se du’a hai ki Allah SWT hum sab ko apni panah mai rakhe, hamare dilo mai taqwa de de aur sirat-e-mustaqeem pe gaam’zan rakhe aur hum sab per apni nazar-e-karam banaye rakhe, hamara khatma ho, to emaan per ho...  AAMEEN YA RAB’UL ALAMEEN

TALIB-E-DU’A: Abdullah bin jamey

Kush’gawaar zindagi hasil karne ka doosra usool “NAMAZ” hai

bismil'la'hirr'rahma'nir'raheem

Farman e ilaahi hai:

“Jo shaks neek aamal kare, mard ho ya aurat, ba’shart ki imaan wala ho to use hum yaqeenan bahut acchi zindagi aata karege aur unke neek aamal ka behtar badla bhi zaroor denge” [AL-NAHAL: 97]

Allah tala ne tamam insano ko mitti se paida kiya aur aadam (AS) ko un sub ka baap banaya. is lihaz sub ki bunyaad to ek hai lekin ka’ee aitbaar se wo ek doosre se mukhtalif hai. Koi shakal suraat ke aitbar se ek doosre se aalag to koi maa’shee aitbar se ek dosre se aalag hai. Koi maaldar, koi gareeb, koi baakheel, koi sakhi, ise tarah imaan aur aamal ke aitbaar se bhi wo aalag aalag nazaryaat ke hamil nazar aate hai. koi moomin koi kaafir koi neek paarsa koi faasiq o fajir koi ba’kirdar koi ba’ikhlaaq aur koi bad’kirdar aur koi bad’ikhlaaq lekin ye sub ke sub apne ahwaal me mukhtalif hone ke bawajood ek baat pe muttafiq nazar aate hai aur wo hai khush’haal zindagi ki taman’na aur aarzoo.

Aap mai se her aadmi ye chahta hoga ki wo khushgawaar aur ba’waqaar zindagi hasil kar sake aur dunya ki pareshaniyo aur mushkilaat se chutkara pa sake. Is mukhtasar se article mai hum khush’gawaar zindagi ke husool aur pareshaniyo aur azma’esho se najat hasil karne ke kuch usool zikr kar rahe hai, Agar hum in per aamal karege to zaroor apne maqsad ko pahuch jayege.

To aaye hum qur’an aur sun’nat ki roshni mai khus’gawaar zindagi ke usool dhonte hai.

Kush’gawaar zindagi hasil karne ka doosra  usool “NAMAZ” hai

Kamyabi aur kush’haal zindagi ka doosra usool NAMAZ hai jo ki allah tala ka taqar’rub hasil karne ka beh’tareen zarya hai…

Rasool allah s.a.w. ka irshad mubarak hai: “banda apne rub ke sab se ziyada qareeb sajde ki haalat mai hota hai lihaza tum (sajde ki halat mai) ziyada du’a kiya karo” [sahi muslim#  482]

Aur jab banda apne rub ke qareeb ho jata hai tub wo jo chahe wo us se talab kar sakta hai isi liye allah SWT ne namaz ke zarye se madaad talab karne ka hukm diya hai.

Farman-e-ilaahi hai:

“Ya ayyuha allatheena amanoo istaAAeenoo bialssabri waalssalati inna Allaha maAAa alssabireena”

“Aa’ee imaan walo! (jab tum koi mushkil mai ghir jaao) to sabar aur namaz ke zarye se madad talab karo, yaqeenan allah sabar karne walo ke sath hai” [surah baqra# 153]

mere mohtaram islami bhaiyo Is aayat mai allah taala ne ahle-e-imaan walo ko mukhatab kar ke hukam diya hai ki wo her qism ki mushkil ke aa’zaale ke liye sabar aur namaz ke zarye us se madaad talab kare. Is aayat se maloom hua ki allah taala sabar karne wale aur namaz padne wale padne wale momin bande ki madad farmata hai, aur use tamaam mushkilaat se najaat deta hai. Goya namaz dukho aur sadmo ko door karne wali hai, namaz aada karne se dilo ko it’minaan naseeb hota hai aur gamo ka bojh halka hota hai.

Isi liye rasool allah s.a.w. ne farmaya:

“meri ankho ki thandak namaz mai rakhi gayi hai” [nisaai, sahi al-jamey al-sageer# 3124]

Is liye mere momin aur islami bhaiyo agar hame khush’gawar zindagi chaye to hame namaz ka panj’waqta paband hona padega tabhi allah SWT hame khush’haal zindagi naseeb karege…

Ek ibrat naak waqia:

Hafiz ibn-e-asaa’kar (RH) ne tarekh-e-damishk mai ye waqia zikr kya hai: “ek faqeer aadmi apne khach’char per logo ko laad kar damishk se zaid’aani le jaya karta tha aur us per kiraya wasoola karta tha. Us faqeer ne qis’sa bayan kiya ki ek martaba ek shaksh raste mai sawar hua aur mujh se kehne laga: ye rasta choor do aur us raste se chalo Q ki hum is se apni manzil-e-maqsood tak jaldi pahuch jaye ge. Maine kaha: nahi! mai wo rasta nahi janta hoo yahi rasta ziyada qareeb hai. Us ne kaha: wo ziyada qareeb hai (jo usne phle bataya tha) tumhe usi raste se chalna hoga. Akhir kaar hum usi raste se chal pade, aage jakar ek dushwar sa rasta aa gaya jo ek gehri waadi mai tha aur waha bhut si laashe padi hui thi. Us ne kaha: ruk jao! Mai ruk gaya, aur wo utarte hi churi se mere uper hamla’war ho gaya. Mai bhaag utha mai aage aage wo mere peeche peeche. Akhir kaar maine allah ki qasam de kar kaha: khach’char aur us per lada hua jo maal hai wo tum le lo aur meri jaan baksh do. Us ne kaha: wo to mera hi hai aur mai tumhari jaan le kar hi dum luga. Maine use allah se daraya aur saza’ee yaad dilae lekin us ne meri ek na suni. Chunan’che maine us se kaha ki tum mujhe do rakat namaz padne ki mohlat de do. Us ne kaha: theek hai jaldi paad lo. Maine qibla rukh kade ho kar namaz padni shuru kar di, lekin mai is qadar khouf’zada tha ki meri zaban per ek bhi qur’an ka lafz nahi aa raha tha, aur wo udhar baar baar keh raha tha: apni namaz jaldi khatam karo, mai intihaai hairaan aur pareshan tha. Aakhir kaar allah tala ne meri zaban per qur’an majeed ye aayat jari kar di (jis ka tarjuma ye hai) “bhala koun hai wo jo laa’cahro ki faryad ko sunta hai jab wo usko pukare aur us ki takleef ko door kar deta hai” phir maine dekha ki acaha’nak ek ghud’sawar hath mai neeza liye waadi ke muh se namodaar hota hai, us ne aate hi wo neeza us ke dil mai pewast kar diya jo mere qatal ke liye peeche khada tha. Maine us ghud’sawar se allah ka wasta de kar poocha: tum koun ho? Us ne kaha: mujhe us ne bheja hai jo laa’char ki faryaad sunta hai aur us ki takleef ko door kar deta hai. phir maine apna khach’char apna saz-o-saman pakda aur salamti se wapas lout aaya.

Mere mohtaram azeez deeni bhaiyo ye qis’sa is baat ki daleel hai ki banda-e-momin jab namaz ke zarye allah taala se madaad talab karta hai to wo us ki madad zaroor karta hai, aur mushkil ke waqt use be’yar-o-madad’gaar nahi choorta. Yaad rahe ki namazo mai sab se pahle farz namaz ka ehtimaam karna zaroori hai jo ki deen ka sutoon hai, us ke baad sunan aur nawafil ka ehtimaam khuso’san farz ke pahle aur baad ki sunnato ka, aur phir tahaj’jud ki namaz ka ehtimaam. Mere azeez bhaiyo Namaz-e-tahaj’jud padne ke bahut se faide hai ek faida-e-azeem ye hai ki allah taala tahaj’jud guzar ko jis’maani takleef aur beemaryo se shifa naseeb karta hai, lihaaza jo log elaaj kar kar ke thaak chuke hai to unhe ye nabvi s.a.w. elaaj zaroor apna’na chaye. 

Rasool allah s.a.w. ka irshad-e-girami hai:

“tum raat ke qayam ko zaroor kiya karo,Q ki ye tumse pahle sul’ha ki aadat thi aur raat ka qayam allah ke qareeb karta hai aur gunaaho se bachata hai burayo ko mitata hai aur jismaani beemaryo ko door karta hai” [ahmad, tirmizi, sahi al-jamey al-sageer#  4079]  

  

Mere mohtaram bhayo jab apki tabyat mai pareshaniyo, dukho, aur sadmo se do chaar ho jaye aur aap sakht be’chain ho to wazu kar ke baar’gaah-e-ilaahi mai ajaye hath baandh kar us se du’ae munaajat shuro kar de, aur phir badshao ke badshaah aur rahman-o-raheem ki zaat ke samne jhuk kar apne gunaho per nidamat aur sharmin’dagi ka izhaar kare us ke baad us se mushkilaat ke aaza’lee ka sawal kare, to yaqeenan apki be’chaini khatam ho jaye gi. Sukoon-o-itmi’naan naseeb hoga aur allah taala apko khush’haal bana dega.

Allah SWT hum sab ko paanch waqt ka namazi bana de aur sirat-e-mustaqeem pe gaam’zan rakh’yo aur hum sab per apni nazar-e-karam banaye rakhy’o.  AAMEEN YA RAB’BUL ALAMEEN

TALIB-E-DU’A: Abdullah bin jamey

KHUSH’GAWAAR ZINDAGI KE USOOL

Kush’gawaar zindagi basar karne ke usool mai pehla usool 'EMAAN AUR AMAL' hai

Farman e ilaahi hai:

“Jo shaks neek aamal kare, mard ho ya aurat, ba’shart ki imaan wala ho to use hum yaqeenan bahut acchi zindagi aata karege aur unke neek aamal ka behtar badla bhi zaroor denge” [AL-NAHAL: 97]

Allah tala ne tamam insano ko mitti se paida kiya aur aadam (AS) ko un sub ka baap banaya. is lihaz sub ki bunyaad to ek hai lekin ka’ee aitbaar se wo ek doosre se mukhtalif hai. Koi shakal suraat ke aitbar se ek doosre se aalag to koi maa’shee aitbar se ek dosre se aalag hai. Koi maaldar, koi gareeb, koi baakheel, koi sakhi, ise tarah imaan aur aamal ke aitbaar se bhi wo aalag aalag nazaryaat ke hamil nazar aate hai. koi moomin koi kaafir koi neek paarsa koi faasiq o fajir koi ba’kirdar koi ba’ikhlaaq aur koi bad’kirdar aur koi bad’ikhlaaq lekin ye sub ke sub apne ahwaal me mukhtalif hone ke bawajood ek baat pe muttafiq nazar aate hai aur wo hai khush’haal zindagi ki taman’na aur aarzoo.

Aap mai se her aadmi ye chahta hoga ki wo khushgawaar aur ba’waqaar zindagi hasil kar sake aur dunya ki pareshaniyo aur mushkilaat se chutkara pa sake. Is mukhtasar se article mai hum khush’gawaar zindagi ke husool aur pareshaniyo aur azma’esho se najat hasil karne ke kuch usool zikr karege. Agar hum in per aamal karege to zaroor apne maqsad ko pahuch jayege.

To aaye hum qur’an aur sun’nat ki roshni mai khus’gawaar zindagi ke usool dhonte hai.

Pehla usool :- imaan aur aamal

Kush’gawaar zindag ka pehla usool “imman wa aamal hai” 

jaisa ki allah ka farmaan hai!

“Man AAamila salihan min thakarin aw ontha wahuwa mu/minun falanuhyiyannahu hayatan tayyibatan walanajziyannahum ajrahum bi-ahsani ma kanoo yaAAmaloona” [nahal: 97]

“Jo shaks neek aamal kare, mard ho ya aurat, ba’shart ki imaan wala ho to use hum yaqeenan bahut acchi zindagi aata karege aur unke neek aamal ka behtar badla bhi zaroor denge”

Aur farmaya:-

“Allatheena amanoo waAAamiloo alssalihati tooba lahum wahusnu maabin” [raa’d: 29]

“jo log imaan laaye aur neek aamal kiye unke liye kush’haali bhi hai aur umda thikana bhi”

In aayat mai allah taala ne her aise shaks ko bhut hi khus’gawaar aur kamyaab zindagi aur khush’haali bahri zindagi aata karne ka waada kiya hai jis mai do sharte paayi jati hai. Ek ye ki wo momin ho aur dosra ye ki wo aamal e saleeh karne wala ho, ba’kirdar aur ba’ikhlaaq ho. Aur agar hum in do sharto ko pura kar de to koi wajah nahi ki hume khush’gawaar zindagi naseeb na ho Q ki allah apne wade mai sach’ca hai aur wo wada khilafi nahi karta.

Farman e eelahi hai:

“inna Allaha la yukhlifu almeeAAada” [al imran: 9]

 “yaqeenan allah wada khilafi nahi karta”

Aur ye baat hume maloom hue ki tamaam insano ki khair o bahlai eeman aur aamal e saleeh mai hi hai.

Aur agar iske bar’aks koi shaks apni zindagi guzarta hai to yaqeen kar lena chahiye ki wo lakh koshish kare us kamyaabi nahi mil sakti. 

Jaisa ke farman e eelahi hai:

“Waman aAArada AAan thikree fa-inna lahu maAAeeshatan danka*wanahshuruhu yawma alqiyamati aAAma Qala rabbi lima hashartanee aAAma waqad kuntu baseera* Qala kathalika atatka ayatuna fanaseetaha wakathalika alyawma tunsa” [ta’ha: 124 to 126]

“Jo shaks meri yaad se rugardaani karega wo yaqeean dunya mai tang haal rahega aur qayamat ke roz hum use andha uthaye ge, wo kahega: ae mere rab! tone mujhe andha Q uthaya hai? Dunya me to mai khoob dekhne wala tha. Allah kahega: Isi tarah tumhare paas meri aayat’e aayi thi tumne unhe bhula diya tha aur aaj isi tarah tum bhi bhula diye jaoge”

In aayat mai allah ne kahbar’dar kiya hai ki jo shaks mere deen se muuh modega aur mere ehkaamat ki parwa nahi karega to mai dunya mai uski zindagi tang haal bana doga aur khus’haal zindagi se mehroom kar dooga.aur us ke alawa use qayamat ke din andha uthaooga, wo mujh se is ki wajah pooche ga to mai kahoga jaisa tumne kiya waisa tumhe badla diya ja raha hai. Tumhare paas mere ehkaam aaye ahle-ilm tumhe meri aayat paad kar sunai mere nabi ki hadeese tumhare samne rakhi gae lekin tumne unko pashe’pusht daal kar apni man’mani ki aur tumhare jo jii mai aaya tumne wahi kiya isi tarah mujhe aaj tumhari koi parawaah nahi.

Birdar’aane islam agar hum waqiaatan khush’haal  zindagi chahte hai to hume allah swt ke deen ko mazbooti se thamna hoga aur man’mani ke bajaye allah ke ehkaam ko maana hoga. Aur sub se bada hukm allah ka ye hai ki hum uski khalis eebaadat kare uski zaat mai kisi ko shareek na kare. Sirf usi ko pukare, sirf usi ko nafa wa nuqsaan ka malik samjhe, sirf usi ko daata, madadgaar, mushkil kusha, hajat rawa samjhe aur usi ko hi gous e aazam tasawwur kare. Agar hum kahlis allah ki ebaadat kare to hume khus’haal aur pakeeza zindagi naseeb hogi. Warna jo log allah ko choor kar gair allah ke aage sir jhukate hai, gair allah ke aage nazar o niyaz chadate hai, gair allah ko daata, mushkil kusha, haajat rawa samjhte hai aur unhi ke samne hath phailate hai, to unhe dar dar ki thokre hi naseeb hoti hai aur zil’lat wa khuwari ke aalawa kuch bhi naseeb nahi hota. 

Jaisa ke farman e eelahi hai:

“waman yushrik biAllahi fakaannama kharra mina alssama-i fatakhtafuhu alttayru aw tahwee bihi alrreehu fee makanin saheeqin” [hajj: 31]

“jo shaks allah ke sath kisi ko shareek banata hai wo aisa hai jaisa aasman se gira hua phir parinde use faza hi mai uchak le ya taiz hawa use door daraz jagah per le ja kar pheenk de”

Yani mushrik ka anjam siwaye tabahi aur barbadi ke  kuch bhi nahi.

Aur doosra allah ka sub se bada hukm ye hai ki hum uske mehboob nabi mohammad saw ki it’tiba kare aur uski nafarmani se bache. Agar hum aisa karege to allah humse raazi hoga Q allah ne apki eet’at ko apni eet’at qarar diya hai aur jab allah razi hoga to yaqeenan hume khush’haal aur ba’waqaar zindagi aa’ta karega. Aur agar hum rasool allah ki nafarmaani karege aapki sun’nat se muuh mod kar deen mai eejad karda  naye umoor (bid’aat) per aamal karege to dunya mai hamare upar aazmaish’e toot padegi aur qayamat ke rooz nabi ke hatho houz e kousar ke paani aur apki shifa’at se maroomi se do char hona padega. Wal’ayazo bil’laah.

Allah tala ka farmaan hai:

“falyahthari allatheena yukhalifoona AAan amrihi an tuseebahum fitnatun aw yuseebahum AAathabun

aleemun” [an’noor: 63]

“jo log allah ke rasool ki mukhalifat karte hai unhe is baat se darna chahiye ki wo museebat mai giraf’taar na ho jaye ya unhe koi dard’naak azaab na aa pahuche”

Is aayat mai allah ke rasool ke ehkamaat ki khilaf warzi karne walo ko sakht tam’beeh hai ki wo is fail se baaz aajaye kahi aisa na ho ki is fail ki wajah se un per koi aazma’ish ya allah ka dard’naak azaab aajaye.

Kamyaab aur khush’gawaar zindagi ke pehle usool ka khulasa ye hai ki eemaan aur aamal e saleeh ki bina per hi hume kamyab zindagi naseeb ho sakti hai. Aur eemaan bil’laah ka sub se bada taqaza ye hai ki hum aqeeda e touheed per qayeem aur daeem rahe, jab ki eemaan bil’rasool ka ek lazmi taqaza ye hai ki hum rasool allah ki eeta’at wa farmabardari ko apna odna aur bichouna banaye aur apke uswa’ee hasna ki roshni mai zindagi basar kare. Is tarah hume dunya ke dukho aur sadmoo se hume chutkara milega aur hamari zindagi kamyabi ke raste per gaamzan ho jayegi.

Allah tala se du’a ki Allah SWT hum sab ko apni panah mai rakhe, hamare dilo mai taqwa de de aur sirat-e-mustaqeem pe gaam’zan rakhe aur hum sab per apni nazar-e-karam banaye rakhe, hamara khatma emaan per kare...  AAMEEN YA RAB’BUL ALAMEEN

TALIB-E-DU’A: Abdullah bin jamey

MUKHTASAR FAZAIL WA MASAEL RAMZAN

Bismillahirrahmanirraheem

ROZE KI TAREEF:
" Siyam" arbic lugat me isko ruk jaane ko kahte hain, shar'an uska matlab yah hai ki ibadat ke iraade se khaane, peene aur aurton se sex aur deegar kamon se subah saadiq se sooraj ke guroob hone tak bache rahna.

ROZE KI FARZIYAT QUR’AN SE:-

Allah swt qur’an mai faramata hai “aee imaan walo tum per bhi roze is tarah farz kiye gaye hai jaisa ke agli ummato per farz kya gaye the  taki tum taqwa hasil kar sako” [al-baqra: 183]

Mahe ramzan ke roze islam ke arkan mai se teesra arkan (pillar) aur ahem rukn hai. Jo (Shaban 2 hijri) mai farz kiye gaye aur nabi saw ne apni zindagi mai 9 bar ramzan al Mubarak ke roze rakhe.

FAZAIL-E-ROZA:-

App saw ne farmaya “Jisne eeman ki halat mai allah se sawab ki um’meed rakhte hue mahe ramzan ke roze rakhe uske saabqa gunah 

maaf kar diye jate hai” [bukhari wa muslim]

Aap saw ne farmaya! " roza jahannum se dhaal hai jis tarah tumhari ladaai bachaane waali dhaal hoti hai"

[musnad ahmad]

Naiz aap saw ne farmaya! " jo shakhs allah ke raaste Me ek din ka roza rakhta hai allah uska chehra us din ke badle jahannum se 70 saal door kar dega" (bukhari,muslim)

naiz aap saw ne farmaya! " iftaar ke waqt rozedaar ki duwa radd nahi ki jaati" (ibne majah)

naiz aap saw ne farmaya! " jannat me ek darwaja hai jise ' riyaan' kaha jaata hai, qiyamat ke din usse roze waale daakhil honge, unke elawa unme se koi andar nahi ja sakega, pukaara jaayega rozedaar kahan hai? We khade ho jaayenge, unke elawa koi aur us(darwaje) se daakhil nahi hoga, jab ye daakhil ho jaayenge to darwaaja band kar diya jaayega aur koi bhi daakhil na hoga"

ROZA KHORO KA ANJAM:-

Hazrat abu umama se marwi hai ki maine aap saw se suna “mai soya hua tha ki Mare khuwab mai do farishte aaye aur mera baazoo ko pakda aur mujhe uthaaya aur dushwar chada’ee wali pahadi per le gaye aur mujhe is per chadne ke liye kaha maine kaha:  is per mujhe chadna nahi aata, to unhone kaha: “ap koshish kare hum apka ta’woon (help) karege” maine chadna shoro kiya yaha tak ki mai pahadi per pahuch gaya to maine waha cheekhne chil’lane ki aawaze suni, to maine un se kahaye cheekh-o-pukar kaisi hai?  “To unhone jawab diya ye jahanam’yo ki aah wa pukar ka shor hai” phir us ke baad mujhe waha se le jaya gaya jaha kuch loog ulte latke hue the un ki baache cheeri di gai thi aur khoon baah raha tha maine poocha ye kon log hai?  To jawab mila ye wo log hai jo ramzan ke maheene mai khaya piya karte the”

[sahi targeeb wal tarheeb]

ISTIQBALI ROZA:-

Ramzan al Mubarak ke istiqbal ke liye ek ya do din pahle roza rakhna jayez nahi hai [ibn-e-maja] haa agar koi pahle se roza rakh raha ho aur uske maamool ye din aaye to wo roza rakha ja sakta hai

WAJOOB ROZE KI SHARAYAT:-

i)        Islam

ii)      Balogat (nabalig per roza farz nahi hai agar wo apne marzi se roza rakhna chahe to wo inshallah sawab ka mustaheq hoga)

iii)    Aqal (majnoon ya pagal per roza farz nahi hai yaha tak ki wo tandurast na ho jaye)

iv)    Taqat aur sehat (roza rakhne wala roza rakhne ki taqat rakhta ho lihaza jo mareez roza na rakh sakta ho, musafir jise safar dar’paish ho agar roza na rakh sake to aftar kar sakta hai lekin baad mai qaza deni hogi, aur isi tarah aur’tee aay’yam-e-makhsoosa mai roze nahi rakhegi baad mai qaza degi. Agar mumkin ho to fidya dena bhi durast hai.

ROZE KI NIYAT:-

Niyat ka tall’luq dil se hai pus dil mai roze ki niyat ki jaye, aur jo apni taraf se alfaz banaye gaye hai “bis’somi gadin’nawaito lil’lahi taala min shahri ramzan” kisi hadees se sabit nahi hai, naiz farz roze ki niyat tulu fajar se pahle karna zaroori hai. Nabi saw ne farmaya! “jisne tulu fajar se pahle roze ki niyat nahi ki uska roza nahi hai” [abo daood, timizi, ibn-e-maja] lekin nafli roze ki niyat tulu fajar ke baad zohar se pahle ki ja sakti hai.

SAHRI KHANA:-

Aap saw ne farmaya! “sahri khaoo kyo ki sahri kahane mai barkat hai” [mut’tafaq aalaih] aur sahri takheer se khana afzal hai, aur agar khane ke douran azan-e-fajar shoru ho jaye to jo kuch kha rahe ho use pura kha lena chahiye, agar raat ko roze ki niyat kar ke soye aur sahri mai bedaar na ho sake to aisi sorat mai bagair kuch khaye piye roza pura kar le to roza sahi hoga, naiz agar gusl-e-wajib ki haajat ho aur sahri ka waqt kam ho to is halat mai pahle wazoo karke sahri khale aur phir gusl kar ke namaze aada kare. [bukhari]

AFTAARI:-

Aftab guroob hote hi roza afrat kar lena chaye, aur aftari behtar hai ki khajoor ke sath ki jaye, aur agar khajoor mayas’sar na ho to paani se ya kisi bhi cheez se aftar kar sakta hai. [abo daood, tirmizi]

AFTARI KI DU’A:-

i)                    Alla’hum’ma laka sumto wala rizqu’qa aftarto 

         [abo daood]

“ae allah maine teri raza ke liye roza rakha aur tere hi aata karda rizq se aftar kar raha hoo”

ii)                  Zahabaz’zamaoo wabtal’latil’urooqo wasabatal ajro      inshallah [abo daood, hakim]

“piyas bujh gai rage tar ho gai aur allah ne chaha to ajar bhi sabit ho gaya”

DOSRO KO AFTAR KARANE KA AJAR WA SAWAB:-

Hazrat zaid bin Khalid RZ se rawayat hai ki aap saw ne farmaya! “jisne kisi rozadar ko aftar karaya use bhi rozedar ke barabar sawab mile ga ” [tirmizi]

GALTI SE ROZA AFTAR KAR LENA:-

Kharab mosam ki bina per Agar galti se roza aftar kar liya to roze ki qaza deni hogi.

JIN CHEEZO SE ROZA TOOT JATA HAI:-

i)                    Danista  khana peena

ii)                  Roze ki halat mai qas’dan azwaji talluqaat (sexual relation)  qaaem karna ya maada touleed  kharij (seemen) karna ya mushtzani (self abuse) karna.

iii)                Jaan boojh kar ulti (womating) karna.

iv)                Naak mai pani ya dawa is tarah dalna ki halaq mai utar jaye.

v)                  Glucose ya gizayat ka injection lagwana.

vi)                Huq’qa, cigrate, ya beedee peena.

vii)              Haiz ya nifaas shuru hona.

viii)            Roze ki niyat khatam kar lena.

ix)                Junoon tari hona.

JIN CHEEZO SE ROZA NAHI TOOT’TA:-

i)                    Bhool kar khana peena.

ii)                  Ahteelam (emissions) hona.

iii)                Khud ba khud ulti hojana.

iv)                Khushk ya tar miswak istimaal karna.

v)                  Surma lagana, sir mai tail lagana, jism mai khushboo lagana.

vi)                Makhi, machar, ya gard o gubaar, dhuaa halaq mai utar jana.

vii)              Masoodo se nikalne wala khoon, ya dato mai atke hue zar’rat ka halaq mai utar jana.

viii)            Ba’wqat zaroorat kisi mareez ko khoon dena.

ROZA KI HALAT MAIN JIN CHEEZO SE IJTINAB ZAROORI HAI:-

i)                    Jhoot, geebat, chugli, bohtan tarazi, galo galooch karna.

ii)                  Chori chepe kisi ki baate sunna baadgumani karna kisi ke aib talash karna.

iii)                Fahash letrature, filme, aur fahash drame dekhna.

iv)                Waqt zayee karne wali games khelna.

v)                  Amanat mai khayanat, duty times puri na karna.

vi)                Apne mulazmeen per beja sakhti aur faraiz mai kotahi karna.

(ye cheeze aam halat mai bhi najayez hai lekin halat e roza mai aisa karne se roze ke ajar wa sawab mai kami waqe hoti hai )

NAMAZ E TARAWEEH:-

Taraweeh , qayam ul lail, tahaj’jud ek hi namaz ke alag alag naam hai, qayam ramzan ya taraweeh sunnat hai jiski fazeelat bayan karte hue app saw ne farmaya!”jis momin ne allah se husool e sawab ki niyat se ramzan ki raato mai qayam kiya (yani taraweeh aada ki) uske guzashta gunaah maaf kar diye jate hai ”

Hazrat aisha (rz) se sawal kiya gaya ki aap saw ne ramzan ki raato mai kis qadar qayam farmaya karte the?  To unhone jawab diya!”aap ramzan aur gair ramzan giyarah (11) rakat se zada nahi pada karte the”

[bukhari wa muslim]

Hazrat jabir  (rz) se rawayat hai ki nabi saw ne hame ramzan mai aath (8) rakat taraweeh padai. Lihaza masnoon taraweeh giyarah rakat hai yani aath 8 rakat taraweeh aur  teen (3) witir. Naiz namaz e taraweeh ba’jamat panda afzal hai.

AKHIRI ASHRE KI FAZILAT:-

Hazrat aisha (rz) farmati hai! ”jab akhiri ashra shuro hota to aap saw ebadat ke liye kamar basta hojate aur un raato ko khud bhi raat bhar ebadat karte aur apne ahle-khana ko bhi bedar rakhte”

[mutafaq alaih]

ETIKAAF:-

Ramzan ke akhiri ashre ka etikaf masnoon hai, yani aisi  masjid jaha  juma aur  jamat ka ehtimaam ho to ebaadat ki niyat se 21 ramzan ki subah apne motakaf (jaha etikaaf karna hai) mai dakhil hona aur eid ka chand dekh kar waha se nikalna, aur is douran bagair zaroorat waha se na nikalna, shadi biyah,  ayadat aur janaze mai shirkat na karna, balki yaksoo hokar tilawat e quran, nawafil aur zikr e azkar mai mashgool hona chaye, etikaf ek din ya us se kam ka bhi kiya ja sakta hai.

LAIL’LATUL QADAR:-

Allah ne ramzan ke akhiri ashre mai ek raat aisi rakhi hai jis ki ebaadat hazar maheeno (83 year 4 month) se behtar hai aur is raat ki jane wali dua’ee allah radd nahi farmate. Hazrat aisha farmati hai ki app saw ne farmaya! ”ramzan ke akhri ashre ki taaq raato mai lail’latul qadar ko talash karo” [tirmizi, nisai, ahmad]

LAIL’LATUL QADAR KI DU’A:-

Allahumma in’naka afoo’wan tuhib’bul affwa faafoo an’ni

(allah! To maaf farmane wala hai maafi ko pasand karta hai pas mujhe maaf karde)

ROZO KI QAZA:-

Agar kisi wajah se ramzan mai roza na rakhe ja sake, ya roza rakh kar tood diya ho to uske badle ramzan ke baad roza rakh kar us ki qaaza deni hogi. Agar roza rakhne ki himmat na ho jaise ke musalsal  mareez wagairah to unhe fidya dene ki ejazat hai, yani her roze ke badle ek miskeen ko do waqt ka khana khilana. chahe to her rozz khilaye ya chahe to ek sath hi tamaam rozo ka hisaab laga kar use de de.

ROZO KI QAZAA AUR KAF’FARAH:-

Agar halat e roza mai azwaji talluqaat se roza fasid hua to phir qazaa ke sath kaf’farah bhi dena hoga, yani ek gulam aazad karna ya doo maheene tak lagatar roza rakhna ya 60 miskeeno ko khana khilana.

ROZE KE TIBBI FAAYEDE:
Roze ke tibbi fayede hain, roze ke faayede me ' sabr ki hiqmat' hoti hai, apne aap par control karna sikhaata hai aur usme madad karta hai aur nafs wa ruh me taqwa ka ansh ijaad karta hai aur usko badhaata hai, aur yahi taqwa ki wajah allah taala ne qur'an paak me irshaad kiya hai

" tum par roza farz hai jis tarah Tumse pahle logon par farz tha taaki tum muttaqi ban jaao"
(qur'an)

(Allah forgive our sins and show us right path of those on whom you have bestowed your grace)